Argot, fransaez e galo

Anet, je m'avizit qe le mot "décaniller" ét orinae du fransae du pep.
Maùgrae ela, 'ét hardimàn anplayae par seiz ma.
Aù parsu, je le valhis dan le Gralh de la Viy (liv 1), ded André Bienvenu :
"Decanilhe-ta, Dédé, decanilhe ta".

'Ét pouein la permierr fa qe j'ancontris du qa de meim.
Paralh, n y avaet etou "une palanquée de", qe je crayaes q'a taet galo. Pouein dam, ét orinae d'anlhou.

Et norma paralh chaùzz Romaen. De qai q'ét orinae "l'argot" don ? Permiae dèz aùtt làng qé le frànssae e permiae dèz siûnn d'Oïl.

Yan sebein, maen, lez mot-la i z ont unn manierr de sounae galo, dijma.

Y en-n'a 2 aùtt qe je sae a me rmanbrae du coup-la, qe je crayis q'a taet galo, maen pouein :

Dégobiller
Dégoiser > pour le siun-la, je valhis "Debergouézae" an galo, dan la Ptit Matao, e "Dégouézae" dan le motiae de Patrik.

Eprei, je ne sae pouein d'eyou q'i sont orinae lez mot-la.
Maen, je crae que "s'afaler" ét orinae du galo sti-la (s'afalae)

N i-a un mo qhi ma chayit dan l'chuchot l'aùtt jou-la, e qhi daet vni de ma mérr :
"Debiroulhae"
'Ét-i bein galo sti-la ?

Par em : 'Ét qan q'a derouinn, qe va-z-i qe j'te, q'a va vitt...